وعمتها حلاوتها
ده جمالها سيف بتار
..
ملكة جمال مصر
أو شهرزاد ف القصر
ومستنية شهريار
..
قال ايه من كتر جمالها
رؤساء اتلفوا ف حبالها
وخدوها السيما ..وجابولها فشار
..
أصلها فاتنة وجميلة
وطعمة زى البليلة
لا تقوللى كليوباترا ولا عشتار !
..
ده جمالها يا حضرات
ولا شامبو ولا مستحضرات
ولا مساحيق من العطار
..
مش هرطقة ولا كلام فاضى
إنها الحقيقة سيدى القاضى
ده جمالها ثقيل العيار
..
مارلين مونرو اعتزلت
لما شافتها وانعزلت
وأصيبت بانهيار
..
وأباظة كان معجب بيها
وقال ايه من حبه فيها
عزمها ع الفطار !!
..
هاتصاب بتهتك ف القلب
وهاتجرى وراها كالكلب
وجمالها هايملاك إصرار
..
ها ها .. ضحكت عليك يا برنس
وحبها بقى باست سيمبل تينس (Past Simple Tense)
أحسنلك تسرع بالفرار
..
بتضحكى ياختى على مين ؟
ده انتى داخلة ف الستين
جلبتى لنفسك العار
..
ازازة الكولا أحلى منَّها ..
ده حمار السوق مش بيحبها
تمشى تتمخطر كصرصار .
..
تلبس فى يديها قناطير مقنطرة
وأصبحت للحارة مسخرة
عانس .. وفاتها القطار !
..
كحرباء مسلوعة دلوعة
وقد نالت منها الميوعة
وخشونة بشرتها كالصبار
..
دى آخرها تبقى خشبة ف وكالة
أو حتى تبقى غسالة
أو تبقى معزة بكار !!
وعجبى ... :)
..
رانيا فهمى
2012
ليست هناك تعليقات:
إرسال تعليق